Rutzijob'al

Ri Kaqchikel Cholchi' jun ruq'a' ri K'ulb'il Yol Twitz Paxil, xtz'ukutäj pe pa ri juna' 1990, ja ri Taqanem tzij 65-90 xya'o pe ruk'aslem. Pa ri juna' 1992 xchap pe runuk'ik ri Kaqchikel Cholchi', pa ri juna' 1993 xek'oje' qa ri nab'ey molaj K'amöl taq b'ey, konojel ri molaj k'amöl taq b'ey kaji' juna' yek'oje' chuwäch ri samaj, k'a wakami xek'oje' yan pe wo'o' molaj k'amöl taq b'ey.
Man etamatäl ta chi ütz achike qas nuq'ajuj ri tzij kaqchikel k'o ri nikib'ij chi kaq, petenäq chi re ri jalt'as käq; ri chi, jun t'as nuq'ajuj chi'/ch'ab'äl; kel, jun rij tzij nuq'ajuj k'ojlib'äl. Ri rub'anom pe ojer chi k'ïy mul ri kib'i' taq molaj winäq man ja ta rije' yeya'o kan xa jun chik moloj nib'in chi ke ruma ri' nqab'ij chi man kan tá etamatäl ri ruq'ajarik re ch'ab'ál re'.

Pa ri qawujil röj ri kaqchikela', pa ri wuqlajuj rajilab'al ke re' nub'ij: Xa jun k'a kaqache' qach'ame'y toq xojpe chi ruk'amik chuchi' Tulan... Já re' ri jun chik rub'eyal rik'in k'a jub'a' ruma ri kaqache' xya' pe chi ke ri qati't qamama' kaqchikel xb'ïx chi qe.

Ri Kaqchikel ch'ab'äl nich'ab'ëx pa kak'al kablajuj tinamït, kijachon ki' chupam re nimatinamit re': B'oko', Tz'olojya', Chi K'im (Sacatepéquez), Armita, Escuintla chuqa' Suchitepéquez rik'in Baja Verapaz.

Rulewal ri Kaqchikel

0 Comments